Heim fyrir jólin

I'll be home for Christmas,
You can count on me.
Please have snow and mistletoe
And presents under the tree.

 

Já, þetta með mistilteininn er nú svo sem ekki nauðsynlegt. En ég er sem sagt komin með flugmiðana í hendurnar og fátt sem mun geta staðið í vegi fyrir því að ég komi heim um jólin. Ég lendi ofurhress, væntanlega, í morgunsárið þann 16. desember & yfirgef svo landið einhverjum 23 dögum seinna. Jólin eru yndislegur tími, sérstaklega vegna gæðasamveru vina og fjölskyldu. Ég hlakka til að hitta ykkur öll!

Ég hef alltaf verið fylgjandi því að hleypa jólunum samt  inn í samfélagið eða rútínu hjá mér ekki mikið fyrr en svona upp úr desember, og þá að taka undirbúninginn og stemninguna með trompi. Það verður þó að viðurkennast að í ár eyði ég óeðlilega miklum tíma í að hugsa um þessa heimferð og jólin. En er það ekki alveg löglegt bara?

Annars aðstoðar það töluvert að það er allt á fullu í vinnunni & rauða plastdótið sem búið er að hengja hér út um allt & 30 stiga hitinn ýtir ekkert sérstaklega undir jólaskapið. Svo ég næ eitthvað að hemja jólagleðina held ég, en þegar við siglum inn í desember mun ekkert stoppa mig!

fúm fúm fúm

Athugasemdir

[Sigrún Dóra (IP-tala skráð) 14.11.2006 kl. 21:14]

Hæ Harpa!

Æðislegt að þú kemur heim um jólin :) við krakkarnir ætlum einmitt að eyða jólunum hjá mömmu svo að vonandi hittumst við eitthvað :) vonandi þarf ég samt ekki á pabba þínum eða mömmu að halda eins og alltaf þegar ég kem í Víkina :S alveg komið nóg af veikindaveseni! Svo langar mig bara að óska þér til hamingju með hana mömmu þína, stórglæsileg eins og alltaf, hefði svo sannarlega viljað sjá hana á þingi! Hlakka til að sjá þig um jólin og skemmti mér konunglega að skoða myndirnar af þessum framandi slóðum :)

Kossar og knús af kalda skerinu. Sigrún Dóra

[Harpa Elín, 15.11.2006 kl. 13:53]

Hey Sigrún!  Gaman að fá þig í heimsókn ... sérstaklega þegar það er nú ekki við því að búast að nokkur hræða villist hingað inn eftir laaaaaangt hlé . Ég held að það sé ekki nokkur spurning með hitting um jólin, en já þá helst ekki á heilsugæslustöðinni  !

[Hrefna (IP-tala skráð) 15.11.2006 kl. 17:52]

Komdu sæl sæta. Þegar er skrifað þá er sko skrifað! Vá. Það hefur losnað um stífluna :o) Annars heimta ég hitting í jólafríinu! Allt of langt síðan síðast og það er bókstaflega nauðsynlegt fyrir þig að hitta fröken Áslaugu Lilju. Það er sko dama sem ekki má fara á mis við ;o) Bkv. úr hryssingsveðri og skítakulda, Hrefna.

[Harpa Elín, 15.11.2006 kl. 20:43]

Algjörlega sammála Hrefna! Ég mun ekki fara af landi brott án þess að fá eins og einn (í það minnsta) fund með háttvirtri Áslaugu Lilju!