ég er á leiðinni

heim

góð orð: heim, heima, heimkynni, heimferð

 kem til landsins 19/06 syndsamlega snemma að morgni til og fer ekki aftur fyrr en í lok júlí. Á þessum tíma næ ég vonandi að gera alveg ótrúlega mikið og safna himinháu magni af yndislegum minningum.

hvenær getur þú hitt mig?

(það er ef einhver les þetta enn, og ef það er einhver sem leggur það á sig að kíkja hér við þá er ekki nokkur spurning að við verðum að hittast )

Ég er svo heppin að ég á gott fólk að á fjölmörgum stöðum á eyjunni ... en það verður að viðurkennast að Mýrdalurinn og Víkin eiga auðvitað sérstakan stað í hjartanu .... ekki síst eftir að hafa sungið af mikilli innlifun eftirfarandi ljóð margoft í gegnum allan barnaskólann... og allri með: 1,2,3 ...

 

 Undir sól að sjá,
 sjónartinda hörgum frá,
 jökli, sæ og söndum girta,
 sólarmegin, lítils virta
 Mýrdalssveit ég sá.

 Hennar höfuð glæst,
 hvítt í bláma loftsins þvæst.
 Ár og síð og alla daga,
 er hún hárið sitt að laga
 himni að hreinleik næst.

 Enga aðra veit
 yndislegri gæðasveit,
 fagurslétta, fjallaprúða,
 færða í dýrri litaskrúða,
 enga enn ég leit.

 Sveitin sárglöð á
 sína móðurhjarta þrá.
 Mýrdælingar, menn og konur,
 móðir, faðir, dóttir, sonur,
 heyrið hjarta slá. 

Bresti barnalán,
 birtu móðursveit er án.
 Byggð ef roðar bróðurandi,
 bjart er yfir þjóð  og landi,
 himni, hel og rán.

Lýsi byggð og ból
 betri daga morgunsól.
 Æskudrauma hugsjón hækki.
 Hjartans mál til valda: Stækki
 heimsins Háa-skjól.

  Stefán Hannesson

Athugasemdir

[Magga sys (IP-tala skráð) 14.6.2007 kl. 09:22]

Ég kíki alltaf reglulega við, þó svo að vonin hafi alltaf dvínað með hverjum deginum sem leið þá hafði ég alltaf trú á því að þú myndir koma sterk inn aftur! Sem og þú gerðir!;)  Njú it!

                   Mikið verður gaman að sjá þig!!

                                  Besos y "brazos" (híhí)   Maggs.

[Lára Hanna (IP-tala skráð) 14.6.2007 kl. 09:57]

Ég lít líka reglulega hér inn eins og Magga systir þín en þú ert löt að blogga, mín kæra.

Við höldum svo aðalstofnfund B&B þegar þú kemur heim.

Knús, Lára Hanna

[Harpa Elín, 17.6.2007 kl. 23:37]

komid sterkar inn ... takk fyrir thad ;)

SJÁUMST :)

h.